رئـيـس الـتـيـار الـوطـنـي الـحـر جـبـران بـاسـيـل:
- نحنا موافقين بالكامل على ما ورد بالبيان الوزاري لجهة الـ 1701 و”تحرير جميع الأراضي” و” احتكار حمل السلاح” و”قرار الحرب والسلم” واستراتيجية الدفاع
- شو الفرق الكبير بين النص السابق “حق اللبنانيين في مقاومة الاحتلال” والنص الحالي “حق لبنان بالدفاع عن النفس، واتخاذ الاجراءات اللازمة كافةً لتحرير جميع الاراضي اللبنانية من الاحتلال الاسرائيلي”؟ الفرق ان حزب الله ارتكب خطأ استراتيجيا كبيرا
- الفرق ان حزب الله خسر بحرب اسناد غزّة وبوحدة الساحات وخسّرنا معه معادلة ردع اسرائيل، وخسر الشرعية الوطنية بمقاومة اسرائيل وحده، فتمّ حذف كلمة مقاومة من البيان الوزاري، ولكن لم يفقد لبنان شرعية “مقاومة” الاحتلال، ولا فقد حزب الله شرعيّته الشعبية
- شو الفرق بين “استراتيجية دفاعية” و”استراتيجية امن وطني”، أو بين “مناقشة وحوار وطني”، ما في فرق الاّ المناكدة السياسية ومن قال الجملة!
- كلّنا منصفّق لكل خطاب قسم او لكل بيان وزاري ولكن مننقسم على وثيقة التفاهم… ولو عندهم نفس المعنى ونفس ,الكلمات… لنشوف الأفعال!
- اليوم كلّنا موافقين على البيان وحزب الله موافق على الـ 1701 والاتفاقية وهو شريك معكم بالحكومة وبالتضامن الوزاري، فتفضّلوا الى التنفيذ ونحنا معكم!
- اوعا تاخدونا بالغلط، او بالدفش من برا، الى حرب داخلية، نحنا ساعتها مش معكم ومنشكر الله اننا مش معكم! اوعا السلم الأهلي، بس كمان ما يصير السلم الأهلي مادّة ابتزاز علينا اذا كنّا حريصين عليه!
- بيحكي البيان عن رفض التوطين، بس ليش هالكلام الخجول عن “حق الدولة بممارسة سلطتها على الاراضي اللبنانية، ومن ضمنها المخيمات الفلسطينية، بظل الحفاظ على كرامة الفلسطينيين وحقوقهم الانسانية”. شو المقصود؟
- البيان توصيفي وبيقول “العمل على حلّ قضيّة النازحين السوريين، والتي لها تداعيات وجودية على لبنان ان لم تتحقّق عودتهم الى وطنهم”. هيدا كلام بينقال سنة 2011، مش بالـ 2025
- النزوح مش خطر هو اكبر خطر وجودي على لبنان، والكل تساهل معه من باب الجهل أو الاستفادة أو الخضوع، فرجونا التضامن الوزاري بحسب مقدّمة بيانكم
