ابرز ما فاله رئيس التيار الوطني الحر النائب جبران باسيل
-نحنا قرارنا من راسنا مش من جيبتنا، والأحلى انّو جيبتنا بتبقى فاضية بس راسنا بيبقى مليان كرامة، – هم لمّا بتفضى جيبتهم بيبيعوا كرامتهم
-السنة بالـ 2025، اجوا كلّن، قناصل وموفدين ومندوبين، صدّروا القرار الخارجي، “كلّهن يعني كلّهن” انصاعوا ونحنا بقينا واقفين. جنرال، انا لي الفخر كون عملت بالـ 2025 متل ما عملت بالـ 88: انت قلت لا لإتفاق مورفي – الأسد وانا والتيار قلنا لا لإتفاق الخماسية. وقلنا نحنا منختار رئيسنا
-نحنا اصلاً القرار الوطني الحر بعدين صرنا التيار الوطني الحرّ
-نحنا هيك بلّشنا. اجا رئيسنا من قلب الدولة، من قلب الجيش ومن خارج الميليشيات، اجا من قلب القرار الوطني ومن خارج القرار الخارجي ليعبّر عن قرار اللبنانيين بإستقلال وطنهم. وقفت ضدّه دول العالم لحتى زاحته بالـ 90!
-نحنا 14 آذار الحقيقيين لأن على الحرية والسيادة والاستقلال ثابتين، هم 14 آذار المزيفين لأن عندهم الحرية والسيادة والاستقلال عناوين. نحنا بقينا لليوم بالذكرى محتفلين، وهم اليوم وبكرا عن الذكرى غايبين
سنكون في الانتخابات مجدداً “القرار الوطني الحرّ” وسنجعل تحالفاتنا الانتخابية بحسب مصالحنا وما يملي علينا فكرنا وعقلنا وهذه الانتخابات مصيريّة
