ردت الاعلامية نايلا شهوان على صفحتها على فايسبوك : انا ارتأيت ما احكي عن هيدا الموضوع طوال سنتين …
بس صراحة الموضوع زاد عن حدو كثير …
والاجندات المخفية بتلفزيون لبنان تعودنا عليها ..
هيدي الصورة هي بشهر اب ٢٠٢٣ و مثل ما ظاهر بالصورة حطيت بوقتها الصليب برقبتي و بوقتها تعرضت لملاحظة تقبلتها انو نحن التلفزيون الوطني يُفضل انو نبعد عن الشعائر الدينية
(علما انو كنت حط مسبحة بالسنوات القبل و ما كانت عاساس زاعجة و كانو زميلاتي يحطو كلمة الله ايضا )
كان فيني وقتها استغلها و يا غيرة الدين واطلع و قول انو منعوني حط الصليب واعمل حملة مثل يلي عم يصير هلق واطلع على بكركي و مؤتمر صحفي و تويتر وكل هالخبار و كنت اكيد عملت بلبلة من الموضوع مثل يلي عم يصير هلق .
للتوضيح و مش دفاعا عن الوزير الحالي بس يحق للمؤسسة انو تقرر انو لا شعائر دينية مطلقا
و اذا قررت غير هيك بيكون القرار مش لفئة دون الاخرى… بس حاليا لا شعائر دينية بتلفزيون لبنان … تقبلوها …. مثل ما بتتقبلو قوانين و شروط اي مؤسسة بتتوظفوا فيها
