اولاً يا معاليك @Joe_Saddi ، صارلك ٤ أشهر مستلم ملفك، وبتقول إنه ما انعمل ولا معمل من الـ2010 لهلّق.
إذا ما كنت بتعرف صلّح معلوماتك، معملَي الذوق والجيّة الجداد نضافوا عالشبكة بالـ2017، وهنّي أرخص معملين حالياً.
ثانياً، بدل ما تتهرّبوا من المواجهة، افتحوا كل الملفّات: من البواخر للسدود وغيرا…
وهون، كان الأجدى تحكي عن كلفة المولدات يلي عم تكلّف اللبنانيين، وتعمل مقارنة بينها وبين كلفة البواخر.
وإذا ما لحقت تطّلع على الملفّات مظبوط، نحنا جاهزين نعطيك الأرقام.
ثالثاً،ليش ما خبرتن إنو الـIFC والبنك الدولي هنّي يلي حضّروا دفتر الشروط؟
اللعب بالكلام يلي عملتو كان مهضوم، لما قلت إنو لازم “يواكبوا المناقصة”، بس نسيت تقول إنو دفاتر الشروط معمولين عالBOT وجاهزين من زمان…
معاليك إذا بدّك تخبّرنا عن انجازتك على الهواء، ياريت تكون مبنيّة على وقائع.
بالمختصر، ما سمعنا شي جديد، بس رجعنا سمعنا النكد السياسي المعتاد!
